भारत की संस्कृति के लिए... भाषा की उन्नति के लिए... साहित्य के प्रसार के लिए
कन्टर में बारूद भरल छै / छन्दराज
Kavita Kosh से
Rahul Shivay (चर्चा | योगदान) द्वारा परिवर्तित 20:12, 22 जून 2016 का अवतरण ('{{KKGlobal}} {{KKRachna |रचनाकार=छन्दराज |अनुवादक= }} {{KKCatAngikaRachna}} <poem> कन्...' के साथ नया पृष्ठ बनाया)
कन्टर में बारूद भरल छै आर बोरा में लाश छै
पुलिस गाँव सें लौट रहल छै, इहे बरामद पास छै ।
सुधिया के बेटी छै बेसुध, पागल पंडित रामचरण
पीपल भी सहमल-सहमक छै, सहमल-सहमल घास छै ।
जरलोॅ घर में धुइयाँ भरलोॅ, अंगना में अंगार छै
बज-बज-बज-बज जल उमकल छै, सगर चिरौरी बास छै ।
धरनीधर-धरनीहर दोनों ऐलै हन तारीख पर
चाँदी के जूती जेकरा छै, ओकरे जय के आस छै ।
