”राकस बूलै छै बाड़ में,“ हब्बू पांड़े बोलै छै।
”ओकरा मुंहों से निकलै आगिन, जों मूँ खोलै छै॥
सबसें खैनी मांगेै छै, नाकै सें बोलै हरदम।
जौनें नैं खैनी दै छै; पटकी केॅ लैये लै छै दम॥
जेकरा हःथोॅ में आबै छै वै राकसोॅ के एक्को टीक।
जीतै छै ऊ मोॅर-मोकदमा, सभ्भे काम बनै छै ठीक॥
लेकिन पढुआ सब बोलै छै ”हब्बू पांडे की कहतोॅ?
सब जानी जैतोॅ केना, जे बीली में घुसलोॅ रहतोॅ?
गैस छिकै ‘फसफोरस’, ई निकलै छै जै ठाँ छै दल दल।
या पत्ता के सड़ला सें खदहा में होय छै हलचल॥
ई उपकारी छै; गाड़ी वाला केॅ ये दै छै समझाय।
”दलदल छै यै ठॉ नै ऐहोॅ“ ज्योती सें दै छै बतलाय॥
राकस केना बुलै छै? या की छेकै राकसोॅ के लोक।
आज तलक नैं कहियो देखलाँ, केहनोॅ ओकरोॅ होय छै टीक॥