भारत की संस्कृति के लिए... भाषा की उन्नति के लिए... साहित्य के प्रसार के लिए
साँझे सें तड़पतें भेलै भोर/ अनिरुद्ध प्रसाद विमल
Kavita Kosh से
Rahul Shivay (चर्चा | योगदान) द्वारा परिवर्तित 23:01, 19 जुलाई 2016 का अवतरण ('{{KKGlobal}} {{KKRachna |रचनाकार=अनिरुद्ध प्रसाद विमल |अनुवादक= |स...' के साथ नया पृष्ठ बनाया)
साँझों सें तड़पतें भेलै भोर सुन हे सजनी
साँझे सें तड़पतें भेलै भोर
सुनोॅ लागै छै दुनियाँ के कोना-कोना
पिया बिनां मुश्किल छै आबे हमरोॅ जीना
जेना कि मोर बिना मोरनी सुन हे सजनी
कारोॅ मेघ सौनोॅ के छै राहि-रहि ठनकै
आगिन भेलै बुन्दरी अंग-अंग झरकै
झिंगुर मचावै बड़ी शोर सुन हे सजनी
देखैै खातिर हुनका छै आँखी हठ ठानै
इंजोरिया-अन्हरिया यें कुछुवेॅ नै मानै
भींजी-भींजै आँखी केरोॅ कोर सुन हे सजनी
हमरे दरद लै केॅ कुहकै कोयलिया
हमरे लोर लै केॅ बरसै बदरिया
सुखी-सुखी काठ भेलै ठोर सुन हे सजनी ।
