भारत की संस्कृति के लिए... भाषा की उन्नति के लिए... साहित्य के प्रसार के लिए
भोर / संजय 'सुमन'
Kavita Kosh से
Rahul Shivay (चर्चा | योगदान) द्वारा परिवर्तित 06:59, 28 जुलाई 2016 का अवतरण ('{{KKGlobal}} {{KKRachna |रचनाकार=संजय 'सुमन' |अनुवादक= }} {{KKCatAngikaRachna}} <poem> त...' के साथ नया पृष्ठ बनाया)
त संसरी गेलै, भोर पसरी गेलै !
ओसोॅ के बुन्द छै, घांसोॅ के गामा में,
अजगुत रं लाली छै भोरोॅ के आभा में,
पिपरोॅ के पत्ता कुछ भिजलोॅ रं लागै छै,
लोर जेना केकरो कि चूलै-टघरी गेलै !
निलका तलाबोॅ पर कमलोॅ के छाती सें,
सटलोॅ छै भौरा रस चूसै छै राती सें,
पड़लै जे फूलोॅ पर सुर्ज के तेज किरण,
थोड़ोॅ टा खिललै ऊ आरो झबरी गेलै,
जिनगी के चार रूप जाय छै आबै छै !
बितला पर सोची केॅ सब्भे पछताबै छै,
जिनगी के सरिता में डूबी केॅ नै जानों,
की कुछ बेगरी गेलै, की कुछ सम्हरी गेलै ।
रात सँसरी गेलै, भोर पसरी गेलै !
