निष्ठुरीको विश्वासघातमा / सुमन पोखरेल

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

सुमन पोखरेल » हजार आँखा यी आँखाम»

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

 
निष्ठुरीको विश्वासघातमा जिउन पनि गाह्रो गाह्रो
उसैसँगकै वाचा सम्झी पिउन पनि गाह्रो गाह्रो

उसकै याद आउने मनका व्यथाहरू गनूँ भन्दा
बदनाम उसकै हुने डर आफ्नो कथा भन्दा
तर सधैँ यी ओठ मेरा सिउन पनि गाह्रो गाह्रो
उसैसँगकै वाचा सम्झी पिउन पनि गाह्रो गाह्रो

नजुध्ने हैनन् आँखाहरू अरू आँखाहरूसँग
मायालु बास खोज्दै नजीक नजीक आ'कासँग
उसकै घात सम्झी माया लाउन पनि गाह्रो गाह्रो
उसैसँगकै वाचा सम्झी पिउन पनि गाह्रो गाह्रो

आँखा चिम्ले सामु आउँछन् बैगुनीकै चित्रहरू
आँखा खोल्दा कोठाभरि उसकै झुटा पत्रहरू
सपनामा उही आउँछे, निदाउन नि गाह्रो गाह्रो
उसैसँग कै बाचा सम्झी पिउन पनि गाह्रो गाह्रो