मन्दिरमा छ कि मूर्तिमा माया / किरण खरेल

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

किरण खरेल »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

मन्दिरमा छ कि मूर्तिमा माया
पत्थरमा छ कि धूलोमा माया
कोही त देखाऊ कोही त बताऊ
खै कहाँ छ, कहाँ? कहाँ छ माया?

एक अञ्जुली मायाको लागि पलपल हृदय चर्कन्छ
साउन र भदौ बनेर आँखा वर्षौं वर्षा वर्षन्छ
हाँसोमा छ कि आँसुमा माया
फूलमा छ कि काँडामा माया
कोही देखाऊ कोही त बताऊ
खै कहाँ छ कहाँ? कहाँ छ माया?

एउटी आमा जिउँदै जल्छे छोराको माया ममतामा
एउटा छोरो मरेर बाँच्छ आमाको सपना विपनामा
रगतमा छ कि नातामा माया
विश्वासमा छ कि बाचामा माया
कोही त देखाऊ कोही त बताऊ
खै कहाँ छ कहाँ? कहाँ छ माया?