अनाम कथा / रमेश क्षितिज

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

रमेश क्षितिज » घर फर्किरहेको मानि»

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

एकदम आतङ्क फैलिएको छ सहरमा
अवाक छ सेनाको बम डिस्पोजल टोली
र घण्टौंसम्म ओल्टाइपल्टाई हेरिरहेछ
एउटा मैलो झोला,

पूर्व क्षितिज नखुल्दै फरार हुने को थियो ऊ ?
सुदुर पश्चिमबाट दिवा सेवाको बस चढेर
को ओर्लेको थियो साँझमा ? कसरी काटेको थियो रात
र के देखेको थियो रातभरी सपना ?

कुन कथा बोकेको थियो उसले
र कसलाई खोज्दै हिडेको थियो यी गल्ली र चोकहरुमा
सूचनापाटी, अखबारका पाना र महानगरको भीडमा ?

अन्ततः झोलाभित्र भेटिए
केही मैला मैला कपडाहरु
र एक गाउँले युवतीको तस्वीर ।