तुहिंजे सपननि जे कंहिं त मोड़ वटां!
लुड़िक ॻाड़े, लंघां हा, मां बि किथां!
सभु से सांढियमि त साह सें लेकिन,
साहु सुॾिके, त कंहिंजो नांउ ॻिन्हां!
पनु पिपर जेा इएं थो लरिजे़ जिअं,
ओलिड़ो आरसीअ जो चीर मंझां!
मुरिक वेढ़े छॾे थी ॿांहुनि में,
मोकलायां थो जंहिं बि ख़ुशबू सां!
इअं लॻनि उञ्ञ रुञ्ञ जा वाका,
जिअं के सॾ जा पड़ाॾा जबलनि मां!
मींहं, झुड़, का कणी वसे हासिद,
विॼॼु, गजकार, राड़, मां बि ॿुधां!
(मोती प्रकाश जे सफ़रनामे ”से सभु सांढियमि साह सें“ खां मुतासर थी)