भारत की संस्कृति के लिए... भाषा की उन्नति के लिए... साहित्य के प्रसार के लिए
अभिलाषा / रत्न शमशेर थापा
Kavita Kosh से
Sirjanbindu (चर्चा | योगदान) द्वारा परिवर्तित 21:55, 6 मार्च 2017 का अवतरण ('{{KKGlobal}} {{KKRachna |रचनाकार=रत्न शमशेर थापा |अनुवादक= |संग्रह=...' के साथ नया पृष्ठ बनाया)
वसन्त भै फुलीदिन्छु नयाँ रङ्ग छरी
सुगन्ध भै फैलीदिन्छु तिम्रै वरिपरि
व्यर्थै लिन्छ्यौ माया किन ? पीर जिन्दगीमा
छामी हेर छुन्छु म त तिमै्र ढुकढुकीमा ।
घाम बनी झुल्कीदिन्छु तिम्रै बिहानीमा
जून बनी मुस्काइदिन्छु तिम्रै शिरानीमा
तन टाढा भए पनि मन हुन्न पर
त्यसैले म भन्छु पि्रया विलौना नगर ।
कैले भेट्छौ उकालीमा कैले ओरालीमा
हामीसँग सँगै हुन्छौ कैले द्यौरालीमा
मेटिँदैन युगौँसम्म मायालु यो गीत
छुट्दैन जन्मजन्म तिम्रो हाम्रो प्रीत ।
