भारत की संस्कृति के लिए... भाषा की उन्नति के लिए... साहित्य के प्रसार के लिए
कसरी दिऊँ माया ? / सुमन पोखरेल
Kavita Kosh से
Sirjanbindu (चर्चा | योगदान) द्वारा परिवर्तित 08:45, 14 मार्च 2017 का अवतरण ('{{KKGlobal}} {{KKRachna |रचनाकार=सुमन पोखरेल |अनुवादक= |संग्रह= शून...' के साथ नया पृष्ठ बनाया)
सीमित परिभाषा वाक्यहरूका
सीमित अर्थ शब्दहरूका ।
अनुभवहरू र अनुभूतिहरू
कल्पनाहरू, मुस्कानहरू र आँखाहरूमा बाँधिएर;
सम्पूर्ण सृष्टिभरिको माया
कैद गरेर मुटुमा
कसरी दिऊँ, म तिमीलाई ?
यहाँ पहिले आउनेहरूले
मायालाई साँचो पनि भनिदिए
जाली र झूटो पनि भनिदिए;
लाउनेहरूले मायालाई
चोखो पनि भनिदिए
बिटुलो र जूठो पनि भनिदिए;
नयाँ र पुरानो पनि भनिदिए
आफ्नो र बिरानो पनि भनिदिए ।
चिरेर मायालाई भिन्नताहरूबीच
माया र आत्माको
माया र मुटुको
माया र शरीरको
माया र जीवनको;
टुक्र्याएर सिङ्गो माया
चोइटाचोइटामा विभक्त गरी
कसरी दिऊँ
म तिमीलाई ?
