पख पख, यो रात च्यातौं / सुमन पोखरेल

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

सुमन पोखरेल » शून्य मुटुको धड्कनभित्र »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

अनि
एउटा मरेको चुरोट च्यापे पनि भयो,
यो दिनहरूको रातमा
यो विचारहरूको रातमा
यो युक्तिहरूको रातमा ।

यो मृत्यु होइन
केवल एउटा रात हो ।

यहाँ जीवन छ
तर निस्कृय ।
यहाँ सबै चिज छ
तर अवचेतन छ।

हुँदै नभएको हैन यो
केवल छोपिएको हो
रातको रातीय पर्दाले ।

सबै मिलेर च्यातौं, यो रातलाई
मान्छे त हामीहरू पनि छौं
उनीहरू पनि हुन् ।

एउटा चुरोट भिज्यो भने
पैसा नास भएको मानेर दुःख मान्ने वा
फोक्सो जोगियो भनेर खुसी हुने ?

कहिलेसम्म खेलिरहोस्
मनभित्र यो विरोधाभासले ?

निर्णय गर्नैपर्छ ।

यो रात च्यातेर अब
उज्यालो सिउनै पर्छ ।