हुलाकघर–३ / रमेश क्षितिज

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

रमेश क्षितिज » अर्को साँझ पर्खेर साँझमा »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

फिर्ता आएको छ सुनको औ‌ंठी
रंगीन तस्बिर
र प्रेमले लेखेको अन्तिम पत्र,

हुलाकघर अघिल्तिर उभेर
हेर्छ युवक
शुन्य आँखाले – कागजका केही मैला पानाहरू
कत्ति छिट्टै पखालिएछ ओठको हस्ताक्षर
निधारको खाली डायरीबाट !

बाक्लिँदै जान्छ उदासीको रात अनायास
उसको अनुहारको पहाडमा
हराउँछन् – गोरेटोहरू हिँड्नुपर्ने
प्रेमका बिसाउनी
र खुसीका चौतारीहरू,

थिच्छ ढुंगाले सुनको औ‌ंठी
टुक्रा–टुक्रा पार्छ कागज,
अनि हिँड्छ अनिर्दिष्ट अल्छिँदै
अल्छिँदै ऊ
ठेगाना नमिलेर फर्केको
कुनै चिठीजस्तो भएर ।