भारत की संस्कृति के लिए... भाषा की उन्नति के लिए... साहित्य के प्रसार के लिए
बेनाम वनफूल / बम देवान
Kavita Kosh से
Sirjanbindu (चर्चा | योगदान) द्वारा परिवर्तित 09:09, 7 मई 2017 का अवतरण ('{{KKGlobal}} {{KKRachna |रचनाकार=बम देवान |अनुवादक= |संग्रह= }} {{KKCatKavita}}...' के साथ नया पृष्ठ बनाया)
विस्तृत/विशाल
घना जङ्गलभित्र
कति–कति मनसुनका हातले उमारे
बेनाम/बेखबर वनफूलहरू ।
र ओइलाए, हराए
बेनाम/बेखबर वनफूलहरू ।
न कुनै कविका आँखाको गहिराइले
छोयो यिनलाई,
न त कुनै युगल प्रेमको भावकुताले
छाम्यो यिनलाई
बिनामूल्याङ्कन
बिनाप्रशंसा
सर्वाङ्ग कठ्याङ्ग्रिने शीतको सारमा होस्
या कालो रातको घनघोर बर्सातमा होस्
शरद्को मादकतापूर्ण सुन्दर साँझमा होस्
या विरक्तिलाग्दो हिउँदको पतझडमा होस्
बेनाम/बेखबर वनफूलहरू
सिर्जनाका रङ्गहरू छरेर
फुल्छन्, वैलिन्छन्
अज्ञात सहिदका आँखाका सपनाहरूजस्तै
यो एकान्त घना जङ्गलभित्र
बेनाम/बेखबर वनफूलहरू ।।
