आरोपपत्र / जीवन नामदुङ

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

जीवन नामदुङ »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

जिन्दगी बाँचेको निहुँमा
मलाई समयले आरोपपत्र दायर गरेको छ
समयको अन्तहीन महासागरबाट
एक अँजुली जिन्दगी उघाएर
बाँच्नुको एक घुट्को तिर्खा
मेट्न खोजेको युगौँ भयो
आफैले आफैलाई खोज्न हिँडेको
एउटा अन्तहीन यात्राजस्तो
कहीँ, कुनै घुम्ती र मोडहरूमा
जिन्दगी नभेट्नुको पीडा बल्झिरहन्छ
जिन्दगी जरायोको सिङ अल्झेर
निष्ठुर सिकारी पर्खिरहन्छ
धेरै दिनदेखिको भोको, हिंस्रक र आक्रामक
सिकारी कुकुरमा रूपान्तरित समय
मलाई खेदिरहन्छ
मलाई आरोपपत्र थमाइरहन्छ ।