भारत की संस्कृति के लिए... भाषा की उन्नति के लिए... साहित्य के प्रसार के लिए
फरक / देवान किराती
Kavita Kosh से
Sirjanbindu (चर्चा | योगदान) द्वारा परिवर्तित 10:17, 12 मई 2017 का अवतरण ('{{KKGlobal}} {{KKRachna |रचनाकार=देवान किराती |अनुवादक= |संग्रह=हु...' के साथ नया पृष्ठ बनाया)
ढुङ्गाका कापहरूवाट
रूखका टोड्काहरूवाट
सङ्लो सग्लो निस्कन्थे
आदिम कविताहरू ।
न शृङ्गार थियो
न सजावट थियो
डाह–अहङ्कार थिएन
नाङ्गै–नाङ्गै थियो,
नाङ्गै थिए र त सुन्दर थिए
प्राचीन कविताहरू
ऊ ! त्यो हिमालझैँ ।
रेफ्रिजरेटर, र्याक
र कम्प्युटर चेपहरूबाट
नाङ्गा–नाङ्गै निस्कन्छन्
ग्ल्यामर कविताहरू ।
बनावट छ
सजावट छ
अहङ्कार– प्लास्टिक सर्जरीहरू
अहम् कलेवर शृङ्गारहरू
तैपनि सुन्दर छैनन्
आधुनिक कविताहरू
ई ! यस्तै कविताझैँ ।
