तिमीले भनेका सारा देव छोएर
म कहाँ किरिया खान कहाँ सक्छु र
यदि मान्छौ भने म तिम्रै देव भनेर
म त खाइदिन्छु कसम आफैँलाई भाकेर
तारालाई साक्षी राखेर वाचा नै कहिले खाएथें
पानीमा औँला चोपेर सन्धि नै कहिले गरेथें
अनि वाध्यताको के कुरा? पाप धर्मको के कुरा
विश्वास गर भन्छौ भने अविश्वास नै कहिले गरेथें
रातभर तिमी रोइदिँदा रोएथें म केही बेर
केही बेर तिमी हाँसिदिँदा हाँसेथें म धेरै बेर
अनि पौरुषताको के कुरा? कोरा छातीको के कुरा
सुखमा हाँस भन्छौ भने दुखमा कहिले रोएथें