भारत की संस्कृति के लिए... भाषा की उन्नति के लिए... साहित्य के प्रसार के लिए
म पनि द्यौता मान्छु / बालकृष्ण सम
Kavita Kosh से
Sirjanbindu (चर्चा | योगदान) द्वारा परिवर्तित 09:47, 17 मई 2017 का अवतरण ('{{KKGlobal}} {{KKRachna |रचनाकार=बालकृष्ण सम |अनुवादक= |संग्रह= }} {{KKCat...' के साथ नया पृष्ठ बनाया)
म पनि द्यौता मान्छु जोगी
म पनि द्यौता भन्छु;
तर तिम्रो र मेरो द्यौतामा
आकाश र पृथ्वीको भिन्नता छ ।
तिमी उसलाई आँखा चिम्लँदा
अमूर्त चिन्तनको बादलामा देख्छौ
म उसलाई आँखा उघार्दा
प्रत्येक मानिसको प्रिय दर्शनमा देख्छु
अवश्य मेरा तीन अरब द्यौतामा
अस्पष्ट्ता छ, धमिलोपन छ विकार छ
म त्यही हटाउन कविता लेख्छु
अझ कविता दर्शन देऊ भन्छु
देवत्व नै कवितालङ्कार मान्छु ।
सत्यता भाव, शिवत्व ध्वनी
भीनस को प्रतिमा जस्तै नङ्गो
यथार्थ रससौन्दर्य ।
