यहाँ यस्तै छ, यहाँ यस्तै छ
सबै कुराभन्दा अनि पैसै ठुलो छ
नचिनेको मान्छेभन्दा चिनेको नै काम लाग्छ
चिनेको भन्दा पनि किनेको नै काम लाग्छ
यहाँ यस्तै छ, यहाँ यस्तै छ
सबै कुराभन्दा अनि पैसै ठुलो छ
हुनेलाई सबको माया नहुनेलाई छायाँ
जहिले पनि छुट्न सक्छ बनावटी माया
मान्छे सबै धर्मी भए कसलाई केको पाप लाग्छ
चिनेको भन्दा पनि किनेको नै काम लाग्छ
यहाँ यस्तै छ यहाँ यस्तै छ
मायाप्रीतिभन्दा अनि पैसै ठुलो छ
जता जाउँ जति धाउँ भोलि भोलि भन्छन्
भोलिवादी मान्छेहरू पैसामा नै बिक्छन्
मान्छे सबै सफा भए कसलाई कालो दाग लाग्छ
चिनेको भन्दा पनि किनेको नै काम लाग्छ
यहाँ यस्तै छ यहाँ यस्तै छ
सबै कुरा भन्दा अनि पैसै ठुलो छ
शब्द: वुद्धवीर लामा
स्वर: रोशन गुरुङ
संगीत: शीलाबहादुर मोक्तान
एल्बम: स्नेह