भारत की संस्कृति के लिए... भाषा की उन्नति के लिए... साहित्य के प्रसार के लिए
जब पुनमको चुरा खस्यो / दुबसु छेत्री
Kavita Kosh से
Sirjanbindu (चर्चा | योगदान) द्वारा परिवर्तित 16:24, 28 मई 2017 का अवतरण ('{{KKGlobal}} {{KKRachna |रचनाकार= दुबसु छेत्री |अनुवादक= |संग्रह= }}...' के साथ नया पृष्ठ बनाया)
जब पुनमको चुरा खस्यो
मेरो मनको चुचुरा खस्यो ।
फूलको धारले नै रेट्न थालेपछि
उनको मनको छुरा खस्यो ।
पोको पारेर राखेको ठाउँबाट
आज अचानक कुरा खस्यो ।
सपनाको चखेवा खेलाउँदै थिएँ
विपनाको झ्वाम्म च्याखुरा खस्यो ।
फुलाउँदा फुलाउँदै मायाको फूल
बसन्तमै मनको आँकुरा खस्यो ।
भमराहरु झुमुन् भन्थेँ वरिपरि
मनको चाकामा माकुरा खस्यो ।
राधा, रुक्मिणी र मीराहरु नसोच्दै
मनमा अचानक मथुरा खस्यो ।
अग्लिदै थिएँ आकासको हिमाल
आफनै मनको टाकुरा खस्यो ।
