भारत की संस्कृति के लिए... भाषा की उन्नति के लिए... साहित्य के प्रसार के लिए
दोहा मन्दाकिनी, पृष्ठ-47 / दिनेश बाबा
Kavita Kosh से
Rahul Shivay (चर्चा | योगदान) द्वारा परिवर्तित 21:44, 25 जून 2017 का अवतरण ('{{KKGlobal}} {{KKRachna |रचनाकार=दिनेश बाबा |अनुवादक= |संग्रह=दोहा...' के साथ नया पृष्ठ बनाया)
369
कागा रे जइबे अगर, तों पियवा के देस
याद करै छी हर घड़ी, कही दिहें संदेस
370
असकेली हय जिन्दगी, नैं आबै अब रास
कागा रे तों जो अभी, मोर पिया के पास
371
हे देवर कहियौं कना, तोरा दिल रो बात
भाय गेलें भेॅ गेल्हौं, महिना अब छो-सात
372
की की कहियौ गे बहिन, हम्में मन के बात
तन दहकै, मन छेॅ विकल, पावस में दिन-रात
373
बड्डी गरम लागै रितु, चैत, जेठ, बैसाख
बिन भट्ठी आगिन बिना, करतै जारी राख
374
बीती गेलै बहुत दिन, गर्मी आ बरसात
गेलै पिया कमाय लेॅ, सिसकै छै अहिवात
375
ढेर दिन नैं पिया रहो, तों हमरा सें दूर
हमरा, साथें लै चलो, बनबै हम मजदूर
376
असकेली स्वामी बिना, नारी के की अर्थ
जीवन के संग्राम भी, लड़ियै बनी समर्थ
