भारत की संस्कृति के लिए... भाषा की उन्नति के लिए... साहित्य के प्रसार के लिए
मुकरी-2 / कैलाश झा ‘किंकर’
Kavita Kosh से
Rahul Shivay (चर्चा | योगदान) द्वारा परिवर्तित 22:57, 25 जून 2017 का अवतरण ('{{KKGlobal}} {{KKRachna |रचनाकार=कैलाश झा ‘किंकर’ |अनुवादक= |संग्र...' के साथ नया पृष्ठ बनाया)
हहराबै छै, घहराबै छै
झंडा नभ मेॅ फहराबै छै
दुश्मन भागै जेना-तेना
की सखि नेता ?
ने सखि सेना।
हर झंझट केॅ मूल नसाबै
दिग्गज केॅ भी धूल चटाबै
पहचानै छै जे नै खून
की सखि डॉक्टर ?
नै कानून।
देव-दनुज-मानव के लेली
युग-युग सेॅ जे बनल पहेली
उलझैने छै दुनिया दारी
की सखि कुर्सी ?
नै सखि नारी।
.
मंजिल पर जे ध्यान लगैने
बढ़ै रोज बिन समय गँवैने
सहते आँधी और तबाही
की सखि पंछी ?
नै सखि राही।
