भारत की संस्कृति के लिए... भाषा की उन्नति के लिए... साहित्य के प्रसार के लिए
मुकरी-5 / कैलाश झा ‘किंकर’
Kavita Kosh से
Rahul Shivay (चर्चा | योगदान) द्वारा परिवर्तित 22:59, 25 जून 2017 का अवतरण ('{{KKGlobal}} {{KKRachna |रचनाकार=कैलाश झा ‘किंकर’ |अनुवादक= |संग्र...' के साथ नया पृष्ठ बनाया)
दुर्गुण सेॅ बिलकुल अनजान
दुनिया लागै एक समान
मानव मेॅ जें सबसे अच्छा
की सखि साधु ?
नै सखि बच्चा।
कखनो हस्सै कखनो कानै
घर मेॅ कुच्छू-कुच्छू लानै
झूमै नाचै बजबै तुतरू
के सखि नटुआ ?
नै सखि बुतरू।
जैकरा नै छै बड़ा गरीब
फुटलोॅ भांगलोॅ लगै नसीब
दुनियाँ जेकरा बिन वीरान
की सखि रुपया ?
नै संतान।
जेकरा बिन टुअर टौआबै
फूल कहैं नै काँटा लागै
आँखिन-आँखिन लोर बहाय
की सखि साथी ?
नै सखि माय।
