भारत की संस्कृति के लिए... भाषा की उन्नति के लिए... साहित्य के प्रसार के लिए
चावना / वाज़िद हसन काज़ी
Kavita Kosh से
आशिष पुरोहित (चर्चा | योगदान) द्वारा परिवर्तित 23:45, 27 जून 2017 का अवतरण ('{{KKGlobal}} {{KKRachna |रचनाकार=वाज़िद हसन काज़ी |अनुवादक= |संग्र...' के साथ नया पृष्ठ बनाया)
म्हैं उडणी चावूं
इण छेड़ै सूं उण छेड़ै
जठै बाथां भरलै समंदर
इण आभै नै
म्हैं बधणी चावूं
इतरौ डीगौ
कै
हाथां सूं तोड़ लूं
तारा
अर भर लूं खूंजौ
म्हैं गमणी चावूं
रळ जाणी चावूं
बीज री गळांई
धरती मांय
कै बण सकूं अेक बिरछ
फैल सकूं घेर घुमैर
धरती रै चौफेर
पसार सकूं
हेत री छियां।
