भारत की संस्कृति के लिए... भाषा की उन्नति के लिए... साहित्य के प्रसार के लिए
कोयल राग विभोर / अवधेश कुमार जायसवाल
Kavita Kosh से
Rahul Shivay (चर्चा | योगदान) द्वारा परिवर्तित 10:12, 28 जून 2017 का अवतरण ('{{KKGlobal}} {{KKRachna |रचनाकार=अवधेश कुमार जायसवाल |अनुवादक= |सं...' के साथ नया पृष्ठ बनाया)
सोन चिड़ैया गाछी फुदकै
कोयल राग विभोर
चंचल हिरणी वन-वन डोलै
पंख नचावै मोर।
सरसर पुरवा, डोलै पतवा
फूलवा रंग-विरंग
चूस परागन मौलै भंवरा
विरहा गीत चकोर।
छुपी-छुपी चंदा दूर से देखै
धरती लाज लजावै
देख मनोरम छटा जगत के
जुगनू दौड़लोॅ आबै।
टिम-टिम तारा
गगन लजावै
तान चदरिया कारी
मन में सोचै, लाज लजावै
करमोॅ केॅ दै छै गारी।
हमरोॅ रंग-विरंगा चादर
देतियोॅ हे भगवान
ओढ़ी चदरिया
हमहुं निखरतौं
रिझतौं सांझ विहान।
कुशल कामिनी
जैसनोॅ धरती
आलिगन सब तरसै
सूरज ने नौछावर करलकै
आपनोॅ सातोॅ रंग।
ब्रह्मा केॅ ई एकल रचना
सब देवतन केॅ जोग
सब रचना केॅ करम अलग छै
जेकरा जैसनोॅ भोग।
