भारत की संस्कृति के लिए... भाषा की उन्नति के लिए... साहित्य के प्रसार के लिए
कवि सिद्धिचरणको ‘मेरो प्रतिबिम्ब’ प्रति / बालकृष्ण सम
Kavita Kosh से
Sirjanbindu (चर्चा | योगदान) द्वारा परिवर्तित 12:02, 29 जून 2017 का अवतरण ('{{KKGlobal}} {{KKRachna |रचनाकार= बालकृष्ण सम |अनुवादक= |संग्रह= }} {{KKC...' के साथ नया पृष्ठ बनाया)
क्यै जिते झैं, क्यै संझे झैं,
को त्यो पथमा गाइरहेको ?
मानिस जस्तै सुरु सुरु हिंड्दै
सबलताले तीय निखन्दै
को त्यो पथमा गाइरहेको ?
दुइटा खम्बा बलियो भित्ता,
भित्ता मास्तिर एउटा छाना
राखी, यो हो आलय भन्दै
पुस्तकहरुले तानिरहे झैं
को त्यो पथमा गाइरहेको ?
झुट नचिन्ने, सत्य अँगाल्ने,
चढ्दै मास्तिर म गिरें भन्ने,
वातावरण नै भूषित पार्ने,
वरपर हेरी अड्न नसक्ने
को त्यो पथमा गाइरहेको ?
आकृति हो तर रुप अनूप,
भाषा हो तर भाव अपूर्व,
मान्छे हो तर आत्मा उच्च,
चारैतिरको मुक्त विचार
यो तेरो प्रतिविम्व उडेको !
('पद्य-संग्रह' बाट)
