श्रद्धाको फूल चढाई दिनु / रवीन्द्र शाह

श्रद्धाको फूल चढाइदिनु आएर लाशमा
नपाए फूल भई गयो तिमी रोइदिनु आशमा

सम्झन्छु म त छोएको तिमीले कमलो हातले
लुकाई राख आत्मा यो मेरो नहान पातले
दिनेछ सबै गवाही हाम्रो जुनेली रातले
नपाए फूल भई गयो तिमी रोइदिनु आशमा

मरेर के भो देह यो मेरो आत्मा त मर्दैन
पिरती चोखो लाएको भए बन्धन पर्दैन
प्रकृति फूल सुकेर झर्छ दिलको झर्दैन
नपाए फूल भई गयो तिमी रोइदिनु आशमा