भारत की संस्कृति के लिए... भाषा की उन्नति के लिए... साहित्य के प्रसार के लिए
वर्षा के रात / सुमन सूरो
Kavita Kosh से
Lalit Kumar (चर्चा | योगदान) द्वारा परिवर्तित 13:46, 14 जुलाई 2017 का अवतरण
वर्षा के दुपहरिया रात
पानी से ढलमल छै मेघ
भितरॅ सें झलकै छै चान
अंचरा के ओड़ॅ में बरलॅ छै दीप
खाड़ी छै आसा में छौड़ी जुआन
रही रही मारै छै पुरबैया घात
भरमी केॅ चुप-चुप छै जंगल पहाड़
मुस्कै छै धरती के हिरदय में कोढ़
सुतलॅ छै छाती में छाती सटाय
अन्हारॅ इंजोरिया में लागलॅ छै जोड़
फुसकै छै की की अनर्गल सब बात
-पनसोखा सें
