भारत की संस्कृति के लिए... भाषा की उन्नति के लिए... साहित्य के प्रसार के लिए
हम अपन दास्तान की कहियै / जयनित कुमार मेहता
Kavita Kosh से
Rahul Shivay (चर्चा | योगदान) द्वारा परिवर्तित 14:21, 18 अगस्त 2017 का अवतरण ('{{KKGlobal}} {{KKRachna |रचनाकार=जयनित कुमार मेहता |अनुवादक= |संग्...' के साथ नया पृष्ठ बनाया)
हम अपन दास्तान की कहियै
केना छुटलौं परान,की कहियै
हमरा दुनिया तॅ ई बुझावै छै,
दर्द के खानदान, की कहियै
जब सेॅ बाऊजी छोड़ केॅ गैलै,
सून पड़लै मचान, की कहियै
असकरे हम सफ़र मेॅ निकलल छी
आरु एत्तेॅ समान, की कहियै
ऊ महाजन के रीन नै चुकलै,
घर मा बिटिया जवान,की कहियै
स्वाद अखनी तलक याद आवै,
ऊ बनारस के पान, की कहियै
ई बुढ़ारी मा याद धनिया के,
यहै एक्कै निसान, की कहियै
