बिसाइदेऊ यात्रा जिन्दगीको / हरिभक्त कटुवाल

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

हरिभक्त कटुवाल » यो जिन्दगी खै के जिन्दगी »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

अनुराधा !
आँखाभरि सपनाको गह्रुँ भारी बोकेर
प्रत्येक घुम्तीमा तिम्रो गति रोकिन्छ आफैँसित झस्किएर
हो, एक्लो मान्छेलाई यसको छायाँले पनि तर्साउँछ,
तिमीलाई त हिँड्ने रहर छ आकाङ्क्षाका सडकहरुमा
तिमीलाई त हिँड्ने‍ रहर छ घुम्तीविनाका सडकहरुमा
त्यसैले एउटा साथी चाहिन्छ तिमीलाई तिम्रो यात्राभरि,
रोकिँदैन उमेर थाकेका तिम्रा पैतालामा अल्झिएर
त्यसैले बिसाइदेऊ तिम्रो यात्रा कसैको अँगालोभरि ।

अनु ! घरका झ्याल-ढोका त्यसरी टम्म थुनेर
एकोहोरो ऐना नहेर ! ऐना नहेर !!
बैँस छेकिँदैन ऐनाको घेरामा बाँधिएर
फुत्किन्छ चोलाको बटनहोलबाट तिमीलाई छकाएर
बरु, शरीरको जम्मै भार त्यही कुर्सीमा छोडिदेऊ र
विश्रान्ति खोज
तिमीलाई एउटा भर चाहिन्छ तिम्रो जिन्दगी थेग्न सक्ने !
उघारिदेऊ बन्द रहेका झ्याल र ढोकहरु
तिमीलाई छोएर जाओस् बाहिरको हावाले पनि ।