Last modified on 22 दिसम्बर 2017, at 11:32

सूरजी- 1 / राजेन्द्र शर्मा 'मुसाफिर'

आशिष पुरोहित (चर्चा | योगदान) द्वारा परिवर्तित 11:32, 22 दिसम्बर 2017 का अवतरण ('{{KKGlobal}} {{KKRachna |रचनाकार=राजेन्द्र शर्मा 'मुसाफिर' |अनुवाद...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)

सरप अर कंसळा दांई
मिनख रै भेस में
वै करै उडीक
बिसूंजतै सूरजी रौ
अणूंतै अंधार रौ।

मांयलौ राकस जागै
करै निरत
व्हैम रै अंधारै मांय
करै खेचळ
अखूट सत रै
हरण री।

अंधार रै स्यापै सूं
कुजीव पोखीजै
जका नीसरै बारै
दुभांतै खोळियै सूं
लेयनै
पत बायरा उणियारा।

पीवै लोही
ओलै-छांनै
पण बेगोई पसरै
अणचायौ उजास
चिड़कल्यां री चैचाटी
रतनाळौ सूरजी
फेरूं देवै परचै
मिनखां री बस्ती
फगत दीसै केई कांचळी
ओळै-दोळै।