भारत की संस्कृति के लिए... भाषा की उन्नति के लिए... साहित्य के प्रसार के लिए
मनखि रे / ओम बधानी
Kavita Kosh से
Abhishek Amber (चर्चा | योगदान) द्वारा परिवर्तित 19:44, 10 मार्च 2018 का अवतरण ('{{KKGlobal}} {{KKRachna |रचनाकार=ओम बधानी }} {{KKCatGadhwaliRachna}} <poem> खिस्सा उन त...' के साथ नया पृष्ठ बनाया)
खिस्सा उन त कपडा़ कि सिलीं थैलकि होंदु
पर यैकि महिमा अपार छ
अर यैकि दासि सारि पिरथि छ
किलै कि मनखि न सारि पिरथि अपड़ा बस म करीं छ अर
मनखि यैका बस म छ
यु खालि त मनखि दुखि
अर यु भर्यूं त मनखि मस्त मगन
मनखि कि इज्जत परमत यैका हि हाथ छ
भर्यूं खिस्सा आवा जी
खालि खिस्सा जावा जी
यु पूरू त कभि नि भरेंदु पर
जरा सि भर्यै जौ त
बजदु छ अर गुब्बारू सि फुलि भि जांदु
अर मनखि ह्वै जांदु पर्य मति कु
जनि खिस्सा भरेंदु मनखि कि घिच्ची खतेण लग जांदि
आंखि चमळाण लग जांदि
जोंक कबळाण लग जांदि
अर काया बबळाण लग जांदि
इनु नौ छम्मी छ यु खिस्सा।
