आज हम स्वतंत्र छा / सुन्दर नौटियाल

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

सुन्दर नौटियाल »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

आज हम स्वतंत्र छा, हो ऽ ऽ ऽ
आज हम स्वतंत्र छा ।
आज हम स्वतंत्र छा, गावा गीत गावा देश प्रेम का ।।
आज हम स्वतंत्र छा, न कैकी डर न भई छा ।
आज हम स्वतंत्र छा कि सबथैं बधई छा। हो ऽ ऽ ऽ
आज हम स्वतंत्र छा ।।

आई गोरा बैरी, बणैगे गुलाम हमु सणि, हो ऽ ऽ ऽ
बणैगे गुलाम हमु सणि -2
शिक्षा, समृद्धि, ज्ञान मिटै, बणैगे अजाण हमुसणि ।
हो ऽ ऽ ऽ
बणैगे अजाण हमुसणि -2
याद करो वोंकि चाल, हमथैं क्या सिखाई ग्या ?
हो ऽ ऽ ऽ
सबथैं बधई छा-2।

भगत बिस्मिल लाल-बाल,
उबाल जौंका ल्वै मा थौ, हो ऽ ऽ ऽ
उबाल जौंका ल्वै मा थौ-2
आजाद जना बीरूकु जोश,
सुभाष का सिपै मा थौ ।
हो ऽ ऽ ऽ
सुभाष का सिपै मा थौ-2
देश की आजादी खातिर ल्वै अपडु़ बगई छा।।
हो ऽ ऽ ऽ
सबथैं बधई छा-2।

गांधी की अहिंसा क्रांति,
नई लड़ै सिखैगे सबू,
हो ऽ ऽ ऽ
नई लड़ै सिखैगे सबू -2
बिना हत्यार बिना औजार
साथ बढैगे सबू,
हो ऽ ऽ ऽ
साथ बढैगे सबू -2
पटेल का कर्मों न प्रांतों सी यु देश बणाई छा ।
हो ऽ ऽ ऽ
सबथैं बधई छा-2।

जौन लुटै जान अपड़ि,
वौं शहीदों याद करो ।
हो ऽ ऽ ऽ
वौं शहीदों याद करो-2।
जौन भगै खून अपड़ू
वौं शहीदों याद करो ।
हो ऽ ऽ ऽ
वौं शहीदों याद करो-2।
याद करो वौं शहीदुन
क्या यख गंवाई छा ।।
हो ऽ ऽ ऽ
सबथैं बधई छा-2।

हरसाल मनौणा ये दीन
वौं थैं नमन हमारु ।
हो ऽ ऽ ऽ
वौं थैं नमन हमारु-2।
हम पर छ कर्ज वोंकु
वों थैं बंदन हमारु ।
हो ऽ ऽ ऽ
वों थैं बंदन हमारु-2।
वों थें नमन हमारू जु ऐजदी दिलई ग्या
हो ऽ ऽ ऽ
सबथैं बधई छा-2।
आज हम स्वतंत्र छा, हो ऽ ऽ ऽ
आज हम स्वतंत्र छा ।
आज हम स्वतंत्र छा, गावा गीत गावा देश प्रेम का ।।
आज हम स्वतंत्र छा, न कैकी डर न भई छा ।
आज हम स्वतंत्र छा कि सबथैं बधई छा। हो ऽ ऽ ऽ
आज हम स्वतंत्र छा ।।