भारत की संस्कृति के लिए... भाषा की उन्नति के लिए... साहित्य के प्रसार के लिए
मुख ऐथर चिफळि गिच्ची करदन लोग / संदीप रावत
Kavita Kosh से
Abhishek Amber (चर्चा | योगदान) द्वारा परिवर्तित 21:01, 15 मार्च 2018 का अवतरण ('{{KKGlobal}} {{KKRachna |रचनाकार=संदीप रावत }} {{KKCatGadhwaliRachna}} <poem> मुख ऐथर च...' के साथ नया पृष्ठ बनाया)
मुख ऐथर चिफळि गिच्ची करदन लोग
अर पीठ पैथर झूठी-सच्ची धरदन लोग |
हुणत्यळि डाळी का मौळंदा पात देखीक
झणि किलै जलड़ौंम छांछ संग्ती डलदन लोग |
दूधौ-दूध , पाण्यू-पाणि द्यिख्येंद सब्यूं
मुख सामणि मुखसौड़ा फिर्बी मरदन लोग |
सब्बि जगौं बण्यां रौंदन भौत पर्वाण
हैंका तैंकम झट्ट पक्वड़ी तलदन लोग |
जणदा नी बल मंत्र द्येखा बिच्छी को
सर्प द्वलणी हत्थ फिर्बी कुचदन लोग |
मिल्द जब हे स्याळ ददा वळो पट्टा "संदीप "
अफ्वी औतारी अफ्वी पुजारी बणदन लोग |
