तातिन देऊ / विमल गुरुङ

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

विमल गुरुङ »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

सुनेर तिम्रा शब्दहरु
तातिइरहेछ
तातिनदेऊ

एकक्षण नबोल केहि
मलाई मेरो कमजोरी
सोच्न देऊ
टाउको तातिनदेऊ

दुष्ट हनुमानहरुलाई
पबित्र प्रमाणीत गर्न खोज्ने
तिम्रा निष्पट काला प्रयत्नहरु सुनेर
आँखाबाट
आगोका खोलाहरु
बग्न खोजिरहेछन्

सक्दो
म
बग्न खोजिरहेका
आगोका खोलाहरुमाथि
प्रतिबन्ध हालिरहेछु
म छिटोछोटो आँखा फड्फडाउँदै भित्ता ओच्छ्याइरहेछु

मुख बन्द छ
तिम्रा जाली शब्दहरु सुनेर
अवाक छु
म आफ्नै टाउकोभित्रको
सेतो बोसोसित अवाक छु

पर्ख !
भयो, भयो मचेनजी
तिम्रा तर्कहरु सशक्त छन्
तिम्रा तर्कहरु अकाट्य छन्
सुनेर
तिम्रा शब्दहरु
तातिइरहेछ टाउको
नबोल मसंग अब एकक्षण ।
मलाई मेरो टाउको तातिन देऊ
मचेनजी !
मलाई
अकक्षण
आगो तात्तिन देऊ ।