भारत की संस्कृति के लिए... भाषा की उन्नति के लिए... साहित्य के प्रसार के लिए
ब्वाला कब तक / अनूप सिंह रावत
Kavita Kosh से
Abhishek Amber (चर्चा | योगदान) द्वारा परिवर्तित 18:03, 30 मार्च 2018 का अवतरण ('{{KKGlobal}} {{KKRachna |रचनाकार=अनूप सिंह रावत }} {{KKCatGadhwaliRachna}} <poem> वादा...' के साथ नया पृष्ठ बनाया)
वादा करयूं छौ मुलुक कु विकास क़ु,
जग्वाल कारली जनता, ब्वाला कब तक?
रंगिला- पिंगला, सुपिन्यां देख्यां जु,
सुपिन्यां साकार ह्वाला, ब्वाला कब तक?
जोड़- जुगन्त कैरि, बहुमत मिलिगे,
जनता कु बेड़ा पार, ब्वाला कब तक?
योज़ना बणी च, ज्वा कागजों मा,
ज़मीन पर पूरी होळी, ब्वाला कब तक?
डिग्री-डिप्लोमा, सब कैरी याळ,
रोजगार मिळालु, ब्वाला कब तक?
फूलमाला पैनी रिबन कटे, उद्घाटन ह्वेगे,
काम-काज होळु पूरू, ब्वाला कब तक?
खैरि खाँदा-खाँदा, गरीब मिटे गे,
पर ग़रीबी मिटेली, ब्वाला कब तक?
रूड़ी सी ह्वेगे, ज़िंदगी किसान की,
मौल्यार आळु जीवन मा, ब्वाला कब तक?
देहरादून बल, ख़ूब हूणी च बैठक,
विधायक जी पहाड़ आला, ब्वाला कब तक?
जाति-धर्म मा, बांटी याळ जनता,
राजनीति इनि हूणी रैली, ब्वाला कब तक?
