भारत की संस्कृति के लिए... भाषा की उन्नति के लिए... साहित्य के प्रसार के लिए
ममता जाग उठलऽ हे / राम सिंहासन सिंह
Kavita Kosh से
Rahul Shivay (चर्चा | योगदान) द्वारा परिवर्तित 20:51, 1 अप्रैल 2018 का अवतरण ('{{KKGlobal}} {{KKRachna |रचनाकार=राम सिंहासन सिंह |अनुवादक= |संग्र...' के साथ नया पृष्ठ बनाया)
आज
तोहर स्नेह पाके
ममता जाग उठल हे
आऊ तोहर प्यार भरल नजर में
हम आइना बनके खड़ा ही
तोहर इ नजर में।
उमंग के बहार हे
प्यार हे
हे प्रेयसी
तोहरे आँख से हम
दिल में उतरेला अड़ल ही
तोहर यौवन के स्वागत में
हम बसंत अइसन खिलल ही
फूट पड़लऽ हे हमर नया उमंग
तोर इ मोहक मुस्कान से
हम हरसिंगार से
बार-बार झड़ल ही
तू खुस होवऽ ह त
चाँद आउ सितारा भी खुस रहऽ हे
जमीन लगउत हे सुहावन
आऊ, आसमा भी
मिसरी बनके रस घोल रहल हे
तोहर खुसी में
हम सब कुछ लूटा रहली हे
कब अयऽब तू उरबसी वन के
सतरंगी मौसमी लाजमी मुस्कान लेके
बोल आऊ झरना अइसन कब झरब
सच तोहर दिल के साफगोई
हम सौ-सो बार मरऽ ही।
