भारत की संस्कृति के लिए... भाषा की उन्नति के लिए... साहित्य के प्रसार के लिए
भूलऽ हमर भूल / राम सिंहासन सिंह
Kavita Kosh से
Rahul Shivay (चर्चा | योगदान) द्वारा परिवर्तित 20:58, 1 अप्रैल 2018 का अवतरण ('{{KKGlobal}} {{KKRachna |रचनाकार=राम सिंहासन सिंह |अनुवादक= |संग्र...' के साथ नया पृष्ठ बनाया)
बिनती हौ तू, भूलऽ हमर भूल!
अब तक रहली डाल सींचते
देखली भीतर कभी न सिंचते
रहल प्रान के मधुर रिसते
पात-पात सूख रहल हे छूटल जबसे मूल!
बिनती हौ तू, भूलऽ हमर भूल!!
जगहे-जगहे धोखा खयली
अनगिन फेरा देके अयली
अप्पन सब कुछ यहीं गवयली
मन के सब समपत हम खोके फाँक रहल ही धूल!
बिनती हौ तू, भूलऽ हमर भूल!!
सान्ति हृदय में तनिक न रहलऽ
मिलल न जे भी मनुआ चहलइ
स्वार्थ-अगिन में हरदम दहलई
तू ही आबऽ पार लगाबऽ कर दऽ सब अनुकूल!
बिनती हौ तू, भूलऽ हमर भूल!!
रात-दिवस के पंख पसारे,
काल खड़ा हो साँझ-सकारे
नाव लगाबऽ नदी किनारे
चढ़ा रहल ही तोहर पद पर अप्पन जीवन-फूल!
बिनती हौ तू, भूलऽ हमर भूल!!
