भारत की संस्कृति के लिए... भाषा की उन्नति के लिए... साहित्य के प्रसार के लिए
मून अर सून / ॠतुप्रिया
Kavita Kosh से
आशिष पुरोहित (चर्चा | योगदान) द्वारा परिवर्तित 20:36, 3 अप्रैल 2018 का अवतरण ('{{KKGlobal}} {{KKRachna |रचनाकार=ॠतुप्रिया |अनुवादक= |संग्रह=ठा’...' के साथ नया पृष्ठ बनाया)
बानै
अबै आंगणै बिचाळै
लिटाय’र उढा दी चादर
अर
च्यारूंचफेर खींच दी
हळ्दी री लेण
आंगण री तुळछी
जाणै खड़ी निरखै
बानै उदास-उदास
जिण नै ढाळता
बै’
दिनुगै-दिनुगै
गडियो पाणी रौ
बीजळी रै
तारां माथै बैठी
निरखै चिडक़ल्यां
जिणां सारू छात माथै खिंडांवता
बै’
ज्वार-बाजरी रौ चूण
दुराजै माथै
लागर्यौ है
कीड़ी नगरै रौ जमघट
जिणां रै बिलां माथै बुरकांवता
बै’
आटै-खांड रौ बूर
गळी रौ धोळियौ कुत्तौ ई
बैठ्यौ निरखै बांनै
उतर्योड़ै मुंडै
जिकां रै साथै
बौ’ सुबै-स्याम
करतौ किलोळिया
अर
बै’ खुवांवता कान जित्तौक
रोटी रौ कोर
घर में
पसरग्यौ है मून
अर आखौ जग
जाणै हुयग्यौ है सून।
