भारत की संस्कृति के लिए... भाषा की उन्नति के लिए... साहित्य के प्रसार के लिए
पल्या धार बटिन हवा औणी / बलबीर राणा 'अडिग'
Kavita Kosh से
Abhishek Amber (चर्चा | योगदान) द्वारा परिवर्तित 11:36, 7 अप्रैल 2018 का अवतरण ('{{KKGlobal}} {{KKRachna |रचनाकार=बलबीर राणा 'अडिग' }} {{KKCatGadhwaliRachna}} <poem> पल्...' के साथ नया पृष्ठ बनाया)
पल्या धार बटिन हवा औणी त छैं छयी
माया की खुशबू अपणा दगड़ ल्योणी त छैं छयी।
बंद रख्यां छां जब ड्वार मोर तेरा
ते हवा न हैंका तरफ जाण त छैं छयी।
सिं चाँद सी मुखड़ी नि देख सकी तू
मुंड कु पल्ला वेन सरकाई त छैं छयी।
खुटा तेरा ते बाटा नि लग्या वें कु क्या कसूर
छै: फुट्या सड़क तेsका गों जाणि त छैं छयी।
धै नि लगायी सुणदरा भौत छां कंदूड् लगे बैठ्यां
आंख्यों आंख्यों मा वेन विंगायी त छैं छयी।
तू मुंड पकड़ी रुणु छै पीठ फरके वे बाटा मा
जांदा दों तेन टाटा करि हाथ हिलायी त छैं छयी।
