भारत की संस्कृति के लिए... भाषा की उन्नति के लिए... साहित्य के प्रसार के लिए
छिटगा-4 / शान्ति प्रकाश 'जिज्ञासु'
Kavita Kosh से
Abhishek Amber (चर्चा | योगदान) द्वारा परिवर्तित 14:58, 9 अप्रैल 2018 का अवतरण ('{{KKGlobal}} {{KKRachna |रचनाकार=शान्ति प्रकाश 'जिज्ञासु' }} {{KKCatGadhwaliRach...' के साथ नया पृष्ठ बनाया)
1.
आज मैं परै ठोकर लगी ब्वै की जिकुड़ी टुट्गी
मेरु खून बौगी बी नि, वीं की गंगा जमुना बौग गी।
2.
कागा, सिंटुला, घिंडुड़ा, घुघता सब हरचणा छन
जब बिटी लोग चौक मा का डाळा कटणा छन।
3.
ढुंग्गू घौंण से ही फुटू इन नि ह्वै सकदू
पांणी मा बौगी भी ढुंग्गू चूर ह्वै सकदू।
4.
लोगू से पता चली मि ह्वै ग्यों बुड्या
मान मेरी मुंण्डळी मलासी बोली मेरु बच्चा।
5.
जै उबणा मा सिवाळी अफु तींन्दा मा से
वैन् मारदी दां ब्वै की मुकजात्रा भी नि कै ।
6.
जगीं मुछळी पिछनै ही आन्दी ब्वै बोलगै छै
मोरदी दां वैकी बी ठीक उन्नी गत्ता ह्वै।
