भारत की संस्कृति के लिए... भाषा की उन्नति के लिए... साहित्य के प्रसार के लिए
हल्ला / विप्लव ढकाल
Kavita Kosh से
Sirjanbindu (चर्चा | योगदान) द्वारा परिवर्तित 16:15, 18 अप्रैल 2018 का अवतरण ('{{KKGlobal}} {{KKRachna |रचनाकार= विप्लव ढकाल |अनुवादक= |संग्रह= }} {{KK...' के साथ नया पृष्ठ बनाया)
कक्षाकोठाभरि हल्ला छ
किन पढ्दैनन् नानीहरु ?
म इतिहास पढाउन खोज्छु
उनीहरु जङ्गली चरा जस्तै
हल्ला गर्छन् !
म गणित पढाउन खोज्छु
उनीहरु पहाडी खोला जस्तै
हल्ला गर्छन् !
म भाषा पढाउन खोज्छु
उनीहरु भाषा नै लाटो हुने
गरी हल्ला गर्छन् !
म ‘हल्ला नगर’ भन्छु
उनीहरु फेरि हल्ला गर्छन् !
सायद म बाँचेको समयमा नै
कुनै गम्भीर त्रुटि हुनुपर्छ !
नत्र यो हल्ला कसरी ‘हल्ला’
हो र ?
यो हल्ला आफैमा एउटा विचार हो
यो हल्ला आफैमा एउटा जीवन हो
यो हल्ला आफैमा एउटा सपना हो !
नानीहरु !
म पनि अब तिमीहरुसँगै बसेर
हल्ला गर्छु !!
