भारत की संस्कृति के लिए... भाषा की उन्नति के लिए... साहित्य के प्रसार के लिए
पूजूँ पदमण पांव / मानसिंह राठौड़
Kavita Kosh से
आशिष पुरोहित (चर्चा | योगदान) द्वारा परिवर्तित 17:32, 25 जून 2018 का अवतरण ('{{KKGlobal}} {{KKRachna |रचनाकार=मानसिंह राठौड़ |अनुवादक= |संग्रह= }...' के साथ नया पृष्ठ बनाया)
राजा मोटो राजवी, रतन कहीजै नांव ।
जां सँग फेरा खाविया,पूजूँ पदमण पांव ।।
सतियाँ सत थे राखियो, भलो कमायो नांव ।
सरगां माय सराविया,पूजूँ पदमण पांव ।।
कर जोड़ करै वीणती, गावै सगळो गांव ।
एकार आवो आंगणे,पूजूँ पदमण पांव ।।
आंख्यां केरो आसणो,पलकां तणी'ज छांव।
एकण देस'म अवतरे,पूजूँ पदमण पांव ।।
पदमन रतन परणिजै,गरब तणो गठजोड़ ।
सत राखण होवै सती,हुवै न पदमन होड़ ।।
चावो गढ़ चित्तोड़ रो,मेवाड़ तणो मांण ।
परम नाम परमेसरी,पदमन कियो प्रयाण ।।
इज्जत हाथां आपरी,राखी रूड़ी राय ।
सती सरगां सिधारगी,पदमन पावक पाय ।।
पदमण तूँ परमेसरी,ममतायी तूँ माय ।
बळ सत मान बढावियो,अवनी ऊपर आय ।।
मेवाड़ धरा(रा)मानवी,गुण पदमण रा गाय ।
सतियां सत थे राखियो,अवनी ऊपर आय ।।
