भारत की संस्कृति के लिए... भाषा की उन्नति के लिए... साहित्य के प्रसार के लिए
रेत (पांच) / राजेन्द्र जोशी
Kavita Kosh से
आशिष पुरोहित (चर्चा | योगदान) द्वारा परिवर्तित 22:46, 24 जुलाई 2018 का अवतरण ('{{KKGlobal}} {{KKRachna |रचनाकार=राजेन्द्र जोशी |अनुवादक= |संग्रह=...' के साथ नया पृष्ठ बनाया)
घर छोड्यां पछै
छूट जावै
आयला-भायला
सागी चाय अर पाणी
नीं रैवै पाटा अर चौकियां
नीं हुवै बै देवी-देवता
घडिय़ां री टैम ई
सागी नीं रैवै
सूरज अर चांदो ई
आपरी टैम बदळ लेवै
पण बा रेत सागी रैवै
घर छोड्यां पछै ई
नीं बदळै रेत
नीं बदळ सकै रेत
आपरी तासीर।
