भारत की संस्कृति के लिए... भाषा की उन्नति के लिए... साहित्य के प्रसार के लिए
जसरी बादलसँगै रहन्छ पानी / गीता त्रिपाठी
Kavita Kosh से
Sirjanbindu (चर्चा | योगदान) द्वारा परिवर्तित 10:43, 13 अगस्त 2018 का अवतरण ('{{KKGlobal}} {{KKRachna |रचनाकार= गीता त्रिपाठी |अनुवादक= |संग्रह= }}...' के साथ नया पृष्ठ बनाया)
यसरी नै रहन देऊ
यसरी नै…।
मलाई
जसरी बादलसँगै रहन्छ पानी
घामसँगै रहन्छ छाया
र
निद्रासँगै रहन्छ सपना
यहाँ बादलसँग छुट्टिनु भनेको त
मैलाउनुरहेछ अनुहार
रित्तिनुरहेछ बगरहरुसँग
र
आफ्नै जीवनको मरुभमिमा
निरर्थक बाँचिरहनुरहेछ मृगतृष्णा
प्रत्येक बिहान
वसन्त गाएर कोइलीले
जगत्भरिभरि रित्याउँछ आवाज
बगैँचाभरिभरि जगाउँछ सपना
र उसैगरी बारबार
निस्तब्ध खडेरीको मृत्य-मध्यान्हमा
विरानो बाँच्छ स्वयं
यही सहरमा
आफ्नै छायाको अभिसाप बोकेर
आफैबाट भाग्नुको उपहासभन्दा
तिमीसँगै रहनदेऊ मलाई
यहाँ
घामबाट अलग्गिनु भनेको त
पोखिनुरहेछ फेरिफेरि
उही अविश्रान्त अँध्यारोमा
गीताका पवित्र मन्त्रहरु
ओठमा टाँगेर
एउटा आँखा च्यातिएको तस्वीरजस्तै
भित्ताभरि पोष्टर बाँच्नुरहेछ जिन्दगी
र
टुट्नुरहेछ आफैभित्र पटकपटक
