भारत की संस्कृति के लिए... भाषा की उन्नति के लिए... साहित्य के प्रसार के लिए
पिड़ा की बोटिं राई अंग्वाळ दगिड़्या / शिवदयाल 'शैलज'
Kavita Kosh से
Abhishek Amber (चर्चा | योगदान) द्वारा परिवर्तित 17:30, 22 अगस्त 2018 का अवतरण ('{{KKGlobal}} {{KKRachna |रचनाकार=शिवदयाल 'शैलज' |अनुवादक= |संग्रह= }} {...' के साथ नया पृष्ठ बनाया)
पिड़ा की बोटिं राई अंग्वाळ दगिड़्या
सुखै निन्द कबि नि पिर्वाळ दगिड़्या
फूलूं भेटणू अयीं छै प्वतळी
लीगीं सदनि कु जग्वाळ दगिड़्या
दिन मां रंग लेकि अयीं छै होरी
राति नि आई बग्वाळ दगिड़्या
गौं मा मंगणु छौ बल माया-भीख
मीम् नि ऐ वो फिक्वाळ दगिड़्या
नाड़ी वैद बणि मी कु वो ’शैलज’
जौंन पिलौ बि नि ठसवाळ दगिड़्या
