भारत की संस्कृति के लिए... भाषा की उन्नति के लिए... साहित्य के प्रसार के लिए
हमरा देशमे / गंग नहौन / निशाकर
Kavita Kosh से
Jangveer Singh (चर्चा | योगदान) द्वारा परिवर्तित 02:28, 19 सितम्बर 2018 का अवतरण
हमरा देशमे
बढ़ि गेल अछि
कट्टरपंथी लोक
कट्टरपंथी संगठन
आ ओकर विचारक।
हमरा देशमे
बढ़ि गेल अछि
खादीक कुर्ता
लुप्त भऽ रहल अछि
गाँधीक विचार
बढ़ि रहल अछि
ब्लू फिल्मक चलन
जुअनके न´ि, बुढ़बो सभमे।
हमरा देशमे
खुजि गेल अछि
हत्याक चैनल
शोणितसँ सानल अछि
अखबारक पृष्ठ
बाजारवादक शोणिताएल चाँगुरमे
सकपंज अछि
महलसँ खोपड़ी धरि।
