विनती / उमेश बहादुरपुरी

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

उमेश बहादुरपुरी »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

गद्य पद्य न´् छंद के जानूँ न´् भाषा के ग्यान।
दिला सकऽ हऽ तूँही मइया जग में हमरा पहचान।।
संसकिरित अंगरेजी हिंदी हे ग्यानी के खातिर।
अग्यानी मगही ही हम ओकरो में न´् शातिर।
विनती कर रहलुँ तोहरा से हम बालक नादान।। दिला...
हम्मर बाजी तोर हाँथ में रखिहा मइया लाज।
न´् सरसता वाणी में हे अधूरा हम्मर साज।
हमरा रस्ता न´् सूझे हम राही अंजान।। दिला...
कोय कहऽ हे वीणापाणी कोय मइया शारदे।
हमरा जइसन अग्यानी बोले मइया हमरा तार दे।
चाहऽ त हो जाय मइया पल भर में उत्थान।। दिला...
ऐसन कुछ लिखवा दे मइया देके आशीर्वाद।
मिट गेला पर अमर रहूँ हम लोग करथ फिर याद।
हमरो तूँ करवा दऽ मइया साहित-रस के पान।। दिला...