न´् नजर आबऽ हे / उमेश बहादुरपुरी

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

उमेश बहादुरपुरी »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

केकरा कही हम अप्पन हो भइया।
कोय न´् अप्पन नजर आबऽ हे।
घिर गेल चहूँओर काली रे बदरिया।
हमरा नजर न´् फजर आबऽ हे।। केकरा ....
चहूँओर घुरऽ हे चोर-बेइमनमा।
आय गेलय हाय राम जुल्मी-जमनमा।
हाय राम चलूँ अब कउने डगरिया।
हमरा नजर न´् डगर आबऽ हे।। घिर ....
कोय बात करे न´् धरम-ईमान के।
राज आ गेलइ डाकू-शैतान के।
चहूँओर लूटमार मच गेल भइया।
सगरो नजर अजगर आबऽ हे।। घिर ...
केकरा सुनाऊँ कोय सुन्नेवाला न´् हे।
केकरा गुनाऊँ कोय गुन्नेवाला न´् हे।
सब कोय बे-शरम भे गैले भइया।
कोय के न´् बतिया असर आबऽ हे।। घिर ...
सिधका डगरिया के कोय न´् रहिया।
कोय न´् अप्पन देसवा के सिपहइया।
केक्कर हँथवा में बागडोर दी हम।
कोय न´् नजर अकबर आबऽ हे।। घिर ...