तूँ हमर उपहास करऽ हऽ / उमेश बहादुरपुरी

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

उमेश बहादुरपुरी » संगम »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

तूँ हमर उपहास करऽ हऽ हम इतिहास बनाबऽ ही
समझऽ हथ सब घर में मूरख बाहर खास कहाबऽ ही
सोंच-समझ हमरा जइसन नञ् हमरा जेतना जोश हो
हऽ तूँ केतना पानी में नञ् तोहरा के होश हो
समझल करऽ तूँ खुद के बुधगर हम अजनास कहबऽ ही
मोघ अगर पइमाना हे तनि हमरो मोछ निहारऽ
जेतना लम्हर सौर हे बाबू ओतने गोड़ पसारऽ
तूँ की हऽ ई तूँ ही जानऽ हम सबद-संतराश कहाबऽ
तोहर हाँथ में लाठी-पइना हम्मर नाता स्याही से
हाँथ हमेशा मलते रहबा नञ् टकराबऽ कलम सिपाही से
तूँ बड़-बड़ डिगरी लेले घूरऽ हम अव्वल क्लास कहाबऽ हीं
चलल करऽ मत एैठ-एैठ देखऽ हमरो कमर में लोचहे
धुरतइ में तूँ माहिर हऽ पर हम्मर बढ़ियाँ सोंच हे
सारस्वत के किरपा भेल सरस्वती के दास कहावऽ ही
कोयी हमरा कवि कहऽ हे कोयी कहऽ हे नायक
चाहे कोय भी नाम हमर दऽ हम अविनाश कहाबऽ ही