भारत की संस्कृति के लिए... भाषा की उन्नति के लिए... साहित्य के प्रसार के लिए
हिसाब द्या / धनेश कोठारी
Kavita Kosh से
Abhishek Amber (चर्चा | योगदान) द्वारा परिवर्तित 18:38, 2 मई 2019 का अवतरण ('{{KKGlobal}} {{KKRachna |रचनाकार=धनेश कोठारी |अनुवादक= |संग्रह=ज्य...' के साथ नया पृष्ठ बनाया)
हम रखणा छां
जग्वाळी तैं हर्याळी थैं
हिसाब द्या, हिसाब द्या
हे दुन्यादार लोखूं तुम
निसाब द्या.......
तुमरा गंदळा आसमान
हमरु हर्याळी कू ढ़क्याण
तुम, बम बणांदी रावा
हम त रोपदी जौंला डाळा
तुमारु धुळ माटु कचरा
हम बुकाणा छां दिन द्वफरा
तुमन् ओजोन भेद्याली
हम, पुणदा लगैकि डाळी
तुमरि गाड़ीं च विपदा
हमरि सैंति च संपदा
तुमरु अटलांटिक छिजदा
हमरु हिमाला जुगराज
तुमरि ल्वैछड़्या कुलाड़ी
हमरि चिपकदी अंग्वाळी
तुमुन्मनख्यात उजाड़ी
हमुन्पुन्यात जग्वाळी
हिसाब द्या...................॥
